人生第一次做評述就喺奧運會🥇🥈🥉

第一次評述就喺講奧運會難免會喺緊張，不過都係...

人生第一次做評述就喺奧運會🥇🥈🥉

第一次評述就喺講奧運會難免會喺緊張，不過都係比我一個好好既經驗，首先好多謝唔少人發信息對我既讚賞同支持，有唔好既地方希望大家見諒🙏🙏🙏
今屆雖然無得以運動員身分去東京奧運參加比賽，但係能夠作為一個羽毛球評述員喺有線電視台睇住直播支持香港運動員都係十分難忘既一件事，亦係比到我一次好寶貴既經驗，自己都曾經參加過3屆奧運，每屆奧運既過程都留下左唔少既汗水，仲有留下既就係眼淚，有開心既眼淚…有失望既眼淚…有難過既眼淚…有痛苦既眼淚，而今屆有既就喺感動既眼淚，見到攞獎牌個刻既感動、見到場上每一位拼搏運動員既感動、見到運動員流眼淚既感動、聽到賽後運動員對話既感動、呢啲既感動令我忍唔住流下左眼淚，唔知自己仲有無留眼淚既機會呢？回想番…自己曾經都有唸過退役，但到最後能夠堅持到今日，我已經覺得自己贏左啦！
@icable_icable @olympics2021 #開電視 #東京奧運 #第一次做評述 #其實真係好緊張 #有唔好既地方希望大家見諒

---